සාලින්ද දිසානායක මහතාගේ අභාවයෙන් පුරප්පාඩු වූ කුරුණෑගල දිස්ත්රික් පාර්ලිමේන්තු මන්ත්රී ධූරය දැනට පාර්ලිමේන්තුවෙන් ඉල්ලා අස්වී සිටින එක්සත් ජනතා නිදහස් සන්ධානයේ හිටපු පාර්ලිමේන්තු මන්ත්රී ශාන්ත බණ්ඩාර මහතාට හිමි නොවුවහොත් අධිකරණ ක්‍රියාමාර්ග ගන්නේ යැයි එ.ජ.නි.ස මහලේකම් පාර්ලිමේන්තු මන්ත්රී මහින්ද අමරවීර මහතා පුවත්පතකට පවසා ඇත.
සාලින්ද දිසානායක මහතා මිය ගිය පසු ඒ බව කුරුණෑගල දිස්ත්රික් ලේකම් හා තේරීම් භාර නිලධාරිවරයාට දැනුම් දෙන අවස්ථාව වන විට ශාන්ත බණ්ඩාර මහතා ඉල්ලා අස් වී සිටීම ඔහු ඊට හේතුව හැටියට දැක්වීය.
එ.ජ.නි.ස පාර්ලිමේන්තු මන්ත්රී සාලින්ද දිසානායක මහතා ඉතුත් අගෝස්තු 5 වැනිදා අභාවප්‍රාප්ත වූ අතර ඔහුගේ අභාවයෙන් මාසයක කාලයක් ඉක්ම ගොස් ඇතත් අදාළ පුරප්පාඩුව පිරවීමට තවමත් හැකි වී නැත.
සාලින්ද දිසානායක මහතාගෙන් පසුව කුරුණෑගල එ.ජ.සි.නි.ස ලැයිස්තුවේ ඊළඟට වැඩි ඡන්ද ලබාගෙන සිටියේ හිටපු නියෝජ්‍ය ඇමැතිවරයකු වන ශාන්ත බණ්ඩාර මහතාය. ශාන්ත බණ්ඩාර මහතා සාලින්ද දිසානායක මන්ත්‍රීවරයා මිය යනවිට පත්කළ මන්ත්‍රීවරයකු වශයෙන් පත්ව සිටි හෙයින් ඒ පුරප්පාඩුවට සුදුසුකම් ලැබුවේ ශාන්ත බණ්ඩාරගෙන් පසුව ඊළඟට වැඩිම ඡන්ද ලබාගෙන සිටි වයඹ පළාත් සභා මන්ත්රී ඩී.බී හේරත් මහතාය.
ශාන්ත බණ්ඩාර මහතා ජනතා ඡන්දයෙන් පාර්ලිමේන්තුවට පත්වීමට අවශ්‍ය බව කියමින් අගෝස්තු 07 වැනිදා පත්කළ මන්ත්රී ධූරයෙන් ඉල්ලා අස්විය.
නායකයින් අතර කුමන අදහස් පැවතියත් ජනතා හිතවාදී අපේක්ෂකයෙකු එක්සත් ජාතික පක්ෂයෙන් ඉදිරිපත් කළ යුතු බව රාජ්‍ය අමාත්‍ය නිරෝෂන් පෙරේරා මහතා පවසයි.
අනුරාධපුරයේදී මාධ්‍ය වෙත අදහස් දක්වමින් ඔහු මේ බව සඳහන් කළේය.
නායකයින්ට විවිධ අදහස් පැවතිය හැකි නමුත් ජනතාවගේ පැත්තෙන් සිතා බලා අපේක්ෂකයා පිළිබඳ තීරණයක් ගත යුතු බවත් ඒ මහතා පවසයි.
ගම් බිම්වල බොහෝ පිරිසක් සජිත් ප්‍රේමදාස මහතාගේ නායකත්වයක් අපේක්ෂා කරන බවත් එම ඉල්ලීම ඉටු කළ යුතු බවත් ඒ මහතා වැඩිදුරටත් ප්‍රකාශ කළේය.
අජිත් පී පෙරේරලා සූදානම් වන්නේ ගෝඨාභය රාජපක්ෂ පරාජය කරන්න ද නැත්නම් එක්සත් ජාතික පක්ෂය පරාජය කරන්න ද යන්න ප්‍රශ්නයක් පවතින බව සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පැවසීය.
රටේ ජනතාවට අවශ්‍ය වන්නේ ගෝඨාභය රාජපක්ෂ පරාජය කිරීම බව දැන ගත යුතු බව අමාත්‍යවරයා සඳහන් කළේය.
අමාත්‍යවරයා මේ බව සඳහන් කළේ අරලියගහ මන්දිරයේ පැවති මාධ්‍ය හමුවේදීය.
මේ අතර එජාප අපේක්ෂකයා නම් කිරීමට හදිසියක් නැති අතර එය හොඳට කල්පනා කර කළ යුත්තක් බව සේනාරත්න මහතා පැවසුවේය.
අවසාන වශයෙන් එක් නායකයෙක් වටා සන්ධානය ජනාධිපතිවරණ සටනට එළඹෙන බව හෙතෙම අවධාරණය කළේය.
අග‍්‍රාමාත්‍ය රනිල් වික‍්‍රමසිංහ මහතා විසින් තමාව හදිසියේ ම අග‍්‍රාමාත්‍ය කාර්යාලයට කැඳවා ඇති බව පවසමින් අමාත්‍ය සජිත් පේ‍්‍රමදාස මහතා ඇඹිලිපිටිය, සංඛපාල රජමහා විහාරසථානයේ පැවති උත්සවයක් අතරතුර කොළඹ බලා පිටත්විය.
ඇඹිලිපිටිය ශ්රී සංඛපාල රජමහා විහාරස්ථානයේ රුපියල් ලක්‍ෂ හතළිහක වියදමින් ඉදිකළ තනිමහල් දහම් පාසල් ගොඩනැගිල්ල ඊයේ (29) සවස සජිත් පේ‍්‍රමදාස මහතා අතින් විවෘත කෙරිණි.
රත්නපුර දිස්ත්රික් පාර්ලිමේන්තු මන්ත්රී හේෂා විතාන මහතා උත්සවය සංවිධානය කර තිබූ අතර එදින සවස 04.00ට ගොඩනැගිල්ල විවෘත කිරීමට නියමිතව තිබුණි නමුත් සජිත් පේ‍්‍රමදාස මහතා එහි පැමිණෙන විට සවස 05.00 පමණ විය.
ශ්රී සංඛපාල විහාරස්ථානයේ භාරකාර කොකාවල කෝසල හිමි ඇතුළු මහා සංඝරත්නය , සිරිපාල කිරිඇල්ල, පී.අබේනායක, බී.ආරියවංශ යන හිටපු පළාත් සභා මන්ත‍්‍රීවරු සහ එක්සත් ජාතික පක්ෂය නියෝජනය කරන ඇඹිලිපිටිය නගර සභාව සහ ප‍්‍රාදේශීය සභාවේ සභිකයන් ඇතුළු පාක්‍ෂිකයන් පිරිසක් මෙම අවස්ථාවට එක්ව සිටියහ.
ඉන් පසුව පැවැති ජන හමුවේදී සජිත් ප්‍රේමදාස මහතා මෙසේ පැවැසීය.
‘‘මට දැන් අගමැතිතුමා හදිසි කැඳවීමක් කරලා තියනවා. අග‍්‍රාමාත්‍ය කාර්යාලයට එන්න කියලා . ඒ නිසා උත්සවයේ න්‍යාය පත‍්‍රය හදිසියේ වෙනස් කරලා මගේ කතාව මුලට දාගන්න සිදුවුණා. න්‍යාය පත‍්‍රය වෙනස් කළාට මට හැම දෙනාම සමාවෙන්න යැයි’’ පවසා විනාඩි පහළොවක පමණ කතාවක් කර සජිත් ප්‍රේමදාස මහතා අගමැතිවරයා හමුවීමට කොළඹ බලා පිටත්ව ගියේය.
ඉදිරි සති එකහමාරක කාලය තුළ එක්සත් ජාතික පක්ෂයේ ජනාධිපති අපේක්ෂකයා තීන්දු කරන බව අමාත්‍ය සුජිව සේනසිංහ මහතා පවසයි.
ඊයේ (28) පස්වරුවේ පැවති සාකච්ඡාවකින් අනතුරුව මාධ්‍ය වෙත අඳහස් දක්වමින් අමාත්‍යවරයා ඒ බව සඳහන් කළේය.
එක්සත් ජාතික පක්ෂ නියෝජ්‍ය නායක සජිත් ප්‍රේමදාස මහතාට සහය දක්වන මැති ඇමතිවරුන් පිරිසක් ඊයේ පස්වරුවේ මුදල් අමාත්‍ය මංගල සමරවීර මහතාගේ කොළඹ පිහිටි නිවසට රැස්වුණි.
ඉදිරි ජනාධිපතිවරණය සම්බන්ධයෙන් මෙහිදී සාකච්ඡා වී ඇති බව වාර්තා වෙයි.
සාකච්ඡාවෙන් අනතුරුව මුදල් අමාත්‍ය මංගල සමරවීර මහතාගේ නිවසේ රාත්‍රි භෝජන සංග්‍රහයක් ද එම මැති ඇමතිවරුන් සඳහා ලබාදී තිබේ.
එක කකුලක් එජාපයේ සහ අනෙක් කකුල තවත් පක්ෂයක තබා සිටින අයට ශ්‍රි ලංකා නිදහස් පක්ෂයේ ඉන්න තියෙන ඉඩ කඩ අවසන් වෙමින් යන බවත් ශ්රී ලංකා නිදහස් පක්ෂ මහලේකම් දයාසිරි ජයසේකර මහතා පැවසීය.
එමෙන්ම එක්සත් ජාතික පක්ෂයේ හා අනෙක් පක්ෂවල සාමාජිකත්වය ගනු ලැබු අයට එරෙහිව යම් තීන්දුවක් ගන්නේ නැත්තේ ඇයි යනුවෙන් යෝජනාවක් පැමිණි බවත් ජයසේකර මහතා පැවසීය.
එහිදී ඒ මහතා මෙසේ අදහස් දැක්විය.
ප්‍රශ්නය-
සන්ධානගත වීම ගැන ධනාත්මක තත්ත්වයක් තියෙනවා කියනවානේ.දැන් මොකක්ද ජනාධිපතිවරයාගේ භූමිකාව සන්ධානය තුළ?
අනාගතයේ කතා කළ හැකි කාරණාවක් වන බවත් පැවසු මන්ත්‍රීවරයා “ජනාධිපතිවරයා නිරන්තරයෙන් කියන කරුණක් වන්නේ එතුමා ගැන සිතා පක්ෂයේ තීරණ ගන්න එපා “ යනුවෙන් ද මන්ත්රී පැවසීය.
“මට මොකද වෙන්නේ කියලා කතා කරන්න එපා කියනවා.අපි අහද්දිත් එතුමා කතා කරලා නැහැ“ යනුවෙන්ද ජයසේකර මහතා මෙහිදී පවසා සිටියේය.
ප්‍රශ්නය- ඔබතුමාලා යෝජනා කරනවාද ගෝඨාභය රාජපක්ෂ මහත්මයාට ශ්රී ලංකා නිදහස් පක්ෂයේ සාමාජිකත්වය ගන්න කියලා?
දැනට ජනාධිපතිවරයා පක්ෂයක සාමාජිකයෙක් නොවීම ගැන සතුටු වන බවත් පැවසු ජයසේකර මහතා, ඔහු ජාතික නායකයෙක් බවත් පැවසීය.
ඔහු ප්‍රතිපත්ති මත රට කරන්න හිතන නායකයෙක් බවත් පැවසු මන්ත්‍රීවරයා, එතුමා කැමති නම් පක්ෂ සාමාජිකත්වය දෙන්න පුළුවන් යනුවෙන් කියා සිටියේය.
ප්‍රශ්නය- පොහොට්ටුව තමන්ගේ ජනාධිපති අපේක්ෂකයා නම් කරලා ඉවරයි. ඔබතුමන්ලාට තීරණය කරන්න වෙනවා, ජනතාවට කියන්න වෙනවා ගෝඨාභය රාජපක්ෂ මහත්මයා ජනාධිපති අපේක්ෂකයෙක් විදිහට ඒ සඳහා සුදුසුකම් තියෙනවා ද කියලා ඔබතුමාලා පිළිගන්නවාද නැද්ද කියලා ?
ජනාධිපති අපේක්ෂකයෙක් ලෙස මෛත්‍රීපාල සිරිසේන මහතා ශ්රී ලංකා නිදහස් පක්ෂය තුළ සිටින බවත් පැවසු ජයසේකර මහතා, කුමාර වෙල්ගම මහත්තයා
අපේක්ෂකයෙක් ලෙස කවුරුත් නම් කරලා නැහැ යනුවෙන් ද පැවසීය.
වසර 38ක් සේවය සේවා කාලයකින් අනතුරුව විශ්‍රාම යන මොහොතේ තමා රට වෙනුවෙන් සිදු කල මෙහෙවර පිළිබඳ සෑහීමකට පත් වෙන බව හිටපු යුද හමුදාපති මහේෂ් සේනානායක මහතා පවසයි.
ඊයේ (26) මහනුවර ශ්රී දළඳා මාලිගය වැඳ පුදා ගැනීමෙන් අනතුරුව මාධ්‍ය වෙත අදහස් දක්වමින් ඔහු මෙම අදහස් පළ කළේය.
පසුගිය කාලය පුරා යුද හමුදාව කෙරෙහි මෙන්ම තමන් කෙරෙහි ජනතාව තැබූ කැමැත්ත සම්බන්ධයෙන් ස්තූතිය පිරි නමන බවද පැවසු හිටපු යුද හමුදාපතිවරයා, මෙය සිංහල බෞද්ධ රටක් බවත්, එහි ඉන්නේ ශ්රී ලාංකීක නැමති පවුල බවද පැවසීය.
මේ රටේ ජීවත් වෙන සිංහල, මුස්ලිම්, හින්දු යන ඕනෑම අයෙක් මේ පවුල තුළ සිටිය හැකි බවත් පැවසු හිටපු හමුදාපති වරයා, සිංහල ජනතාව සෑම විටම පවුලක තාත්තාගේ කාර්යභාරය ඉටු කළ යුතු බවත්, තාත්තා නිරන්තරයෙන් පවුලේ සෙසු සාමාජිකයින් රැක ගත යුතු බවත් සඳහන් කළේය.
විශ්‍රාම ගියත් තමාට තවමත් රටට සේවය කිරීමට ශක්තිය හා ජවය ඇති බවත් පැවසු මහේෂ් සේනානායක මහතා, නිරන්තරයෙන් තමා රටේ ඉදිරි කටයුතු සඳහා එකතු වෙන බවත් පැවසීය.
දේශාපාලනයට එන්න අවස්ථාවක් හිමි වුවහොත් එවැනි තීරණයක් ගන්නේ දැයි මෙහිදී මාධ්‍යවේදීන් විසින් ප්‍රශ්න කර සිටියේය.
එයට පිළිතුරු දෙමින් හිටපු හමුදාපතිවරයා පවසා සිටියේ, දේශපාලනයට එන්නේ නැතුව ජනතාවගේ සුබ සිද්ධිය වෙනුවෙන් වැඩ කළ හැකි බවයි.
“දේශයට වැඩක් කරනවා නම් මම එතැන“ යනුවෙන් ද පැවසු සේනානායක මහතා, පක්ෂයකට බැඳී සේවය කිරීම එයින් අදහස් නොකරන බවද පැවසීය.
මේ අතර පාස්කු ප්‍රහාරය පිළිබඳ සොයා බලන පාර්ලිමේන්තු කාරක සභාව ඉදිරියට ජනාධිපතිවරයා ගෙන්වීම සම්බන්ධයෙන් ද මාධ්‍යවේදීන් ප්‍රශ්න කර සිටියේය.
එයට පිළිතුරු දෙමින් හිටපු හමුදාපතිවරයා පවසා සිටියේ, රටේ පුරවැසියෙක් ලෙස ජනාධිපතිවරයා එයට ඉදිරිපත් විය යුතු බවයි.
බැරෑරුම් කාල රැසක හමුදාපති ධූරයේ සිටීම සම්බන්ධයෙන් අදහස් දක්වමින් හිටපු හමුදාපතිවරයා පවසා සිටියේ, යුද හමුදාව ජනතාවගේ බවත් කිසිවිටෙකත් යුද හමුදාව පක්ෂයක් නියෝජනය නොකරන බවත් ය.
හමුදාවේ විනය තුළින් තමා සියලු අභියෝගවලට සාර්ථකව මුහුණ දුන් බවත් වැඩිදුරටත් පැවසු මහේෂ් සේනානායක මහතා, තමාට ඇති ජවය අනුව ඕනෑම මොහොතක රට වෙනුවෙන් සේවය කිරීමට කැමති බවත් ඒ ගැන ජනාධිපතිවරයාට දන්වා ඇතැයි ද පැවසීය.
තානාපති සේවයට යෑමට බලාපොරොත්තු වන්නේ ද යන්න පිළිබඳව මෙහිදී මාධ්‍යවේදීන් ප්‍රශ්න කර සිටියේය.
එවිට මහේෂ් සේනානායක මහතා කියා සිටියේ, යුද හමුදාපතිවරයෙක් කොහොමත් තානාපති ධූරයක් බවයි.
මේ අතර, ෆීල්ඩ් මාර්ෂල් තනතුර ද අදහස් දක්වමින් එතුමා කියා සිටියේ, තමාට එවැනි තනතුරක් දැරීමට තමාට සුදුසුකමක් නොමැති බවත් යුද්ධයක් ඇති විටෙක සිටින හමුදාපතිවරයෙකුට එය පිරිනැමෙන අතර, ෆීල්ඩ් මාර්ෂල් සරත් ෆොන්සේකා මහතාට එම තනතුර ලැබිය යුතු බවත් කියා සිටියේය.
එදා සරත් ෆොන්සේකා මහතා යුද හමුදාවට අණ නොදුන්නේ නම් අද කථා කිරීමට ඇති නිදහස උදා නොවෙනු ඇතැයි ද පැවසු ඒ මහතා, රටේ නැවතත් යුද්ධයක් ඇති නොවේවා යන්න තම ප්‍රාර්ථනය වන බවත්, එනිසා නැවත වතාවක් ෆීල්ඩ් මාර්ෂල් කෙනෙක් අවශ්‍ය නොවන බවත් පැවසීය.
එක එක්කෙනාගේ යටඇඳුම් බැලීමට තම කණ්ඩායමට අනවශ්‍ය බවත් ෆීල්ඩ් මාර්ෂල් සරත් ෆොන්සේකා මහතා මැතිවරණය පරාජය වී ජාතික ලැයිස්තුවෙන් එක්සත් ජාතික පක්ෂයට පැමිණි අයෙකු බවත් ඔහුට වීනයක් ඇත්නම් තැන තැන මෙවැනි ප්‍රචාරය නොකරන බව සංචාරක හා ක්‍රිස්තියානි කටයුතු පිළිබඳ රාජ්‍ය අමාත්‍ය රංජිත් අලුවිහාරේ මහතා පැවසීය.
ෆීල්ඩ් මාර්ෂල් සරත් ෆොන්සේකා මහතාට මන්ත්‍රීධූරය ලබාදීම නිති විරෝධී වැඩක් බවද පාර්ලිමේන්තු මන්ත්‍රීවරයෙකු ලෙස අගමැති තුමා විසින් නිවැරදි පත්කිරීමක් නොවන බව රංජිත් අලුවිහාරේ මහතා චෝදනා කළේය.
ජය ගැනීම සඳහා හැකි බිම්මට්ටමේ ජනතාව ඉල්ලන අපේක්ෂකයෙකු එක්සත් ජාතික පක්ෂයට ලබා නොදුනහොත් ඉන් ඵල විකා විපාක එක්සත් ජාතික පක්ෂයටම විඳීමට සිදුවන බව ද රාජ්‍ය අමාත්‍යවරයා සඳහන් කළේය.
ගෝඨාභය රාජපක්ෂ මහතාගේ ආණ්ඩුවක් යටතේ කටයුතු කිරීමට කිසිඳු බලාපොරොත්තුවක් නොමැති බව එක්සත් ජනතා නිදහස් සන්ධාන පාර්ලිමේන්තු මන්ත්රී කුමාර වෙල්ගම මහතා පවසයි.
මන්ත්‍රිවරයා මේ බව ප්‍රකාශ කළේ කොළඹ පැවැති උත්සවයකට සහභාගි වීමෙන් අනතුරුව මාධ්‍ය වෙත අදහස් පළ කරමින්ය.
එම අවස්ථාවට එක්සත් ජාතික පක්ෂ පාර්ලිමේන්තු මන්ත්රී ෆීල්ඩ් මාර්ෂල් සරත් ෆොන්සේකා මහතාද සහභාගි වී
සිටියේය.
එහිදී මාධ්‍යවේදීන් වින් ඉදිරිපක් කළ ප්‍රශන්වලට පිළිතුර දෙමින් පාර්ලිමේන්තු මන්ත්රී කුමාර වෙල්ගම මහතා මේ බව පැවසීය.
ප්‍රශ්නය:- මොකෝ වෙන්නේ මේ වෙනකොට?
පාර්ලිමේන්තු මන්ත්රී කුමාර වෙල්ගම මහතා:- ඉදිරි ජනාධිපතිවරණයෙන් පස්සේ හොඳ අතට හැරෙයි.
ප්‍රශ්නය:- ඒ කියන්නේ ගෝඨාභය රාජපක්ෂ මහතා ප්‍රමුඛ ආණ්ඩුවක. ඒකද ඔබතුමා කියන්නේ?
පාර්ලිමේන්තු මන්ත්රී කුමාර වෙල්ගම මහතා:- ගෝඨාභය රාජපක්ෂ යටතේ ආණ්ඩු කරන්න මම කැමති නෑ.
ප්‍රශ්නය:- ඒ කියන්නේ කවුද කියලා කියන්න බැරිද?
පාර්ලිමේන්තු මන්ත්රී කුමාර වෙල්ගම මහතා:- අපි බලමු ඉස්සරහට. මම කිව්වනේ රෙද්දයි බැනියමයි අඳින කෙනෙක් කියලා.
ගෝඨාභය රාජපක්ෂ මහතා දිනවා ජනතා අභිලාෂයන් ඉටු කරලීම සඳහා වන දැවැන්ත දේශපාලන සන්ධානය ‘ශ්‍රි ලංකා පොදුජන ඒකාබද්ධ පෙරමුණ’ නමින් සැප්තැම්බර් මාසය තුළ නිල වශයෙන් බිහි වනු ඇති බව ජාතික නිදහස් පෙරමුණේ නායක විමල් වීරවංශ මහතා පැවසීය.
ඊයේ (22) ජාතික නිදහස් පෙරමුණේ ප්‍රධාන කාර්යාලයේදී ලංකා සම සමාජ පක්ෂයේ දේශපාලන මණ්ඩලය සමඟ පැවති සාකච්ඡාවකින් අනතුරුව මාධ්‍ය වෙත අදහස් දක්වමින් ඒ මහතා මෙසේ සඳහන් කළේය.
ඇමෙරිකා එක්සත් ජනපදය සමඟ දැනටමත් අත්සන් කර ඇති ඇක්සා ගිවිසුම ක්‍රියාත්මක වීම නතර කිරීම, සෝෆා, මිලේනියම් චැලේන්ජ් කෝපරේෂන් යන ගිවිසුම් අත්සන් කිරීම වැළැක්වීම සඳහා ගත යුතු ඒකාබද්ධ ක්‍රියාමාර්ග මෙනවාදැයි යන්නට මෙහිදී විශේෂ අවදානය යොමු වූ බව ද වීරවංශ මහතා මෙහිදී පැවසීය.
එක්සත් ජාතික පක්ෂය ගෙන එන ඕනෑම අපේක්ෂකයකු පැරදවීමට මේ රටේ සිංහල, දෙමළ, මුස්ලිම් ජනතාව පෙළගැසෙමින් සිටින බවත් එය මේ රටට ජාතික ආරක්‍ෂාව, ආර්ථික සංවර්ධනය හා සතුට යළි ගෙන ඒමටනම් අනිවාර්යෙන්ම කළ යුතු දෙයක් බවත් ජානිපෙ නායකවරයා සඳහන් කළේය.
ඉහත සාකච්ඡාවේදී ලංකා සම සමාජ පක්ෂයේ ප්‍රධාන ලේකම් තිස්ස විතාරණ මහතා ‘රටට නව මාවතක්’ නම් වූ තම පක්ෂයේ ඉදිරි වැඩපිළිවෙළ විමල් වීරවංශ මහතාට පිළිගැන්වීම ද සිදු කෙරිණි.
මෙම අවස්ථාවට ජාතික නිදහස් පෙරමුණේ දේශපාලන මණ්ඩල නියෝජනය කරමින් පාර්ලිමේන්තු මන්ත්රී උදයශාන්ත ගුණසේකර, ප්‍රියංගා කොතලාවල, ලංකා සම සමාජ පක්ෂයේ දේශපාලන මණ්ඩලය නියෝජනය කරමින් හිටපු දකුණු පළාත් සභා මන්ත්රී පූජ්‍ය බද්දේගම සමිත, අනිල් සොයිසා යන මහත්ම මහත්මීහු එක්ව සිටියහ.
එක්සත් ජාතික පක්ෂ කෘත්යාධිකාරී මණ්ඩලය සහ මන්ත්රී කණ්ඩායම එකට රැස්කරන්නැයි ඉල්ලන ලිපියකට අත්සන් ගැනීම සඳහා තමාටත් ආරාධනා ලැබුණු බවත්, කොළ කෑල්ලකට අත්සන් කිරීමට පුත්තලමේ සිට එන්නේ කුමටදැයි තමා විමසූ බවත් පුත්තලම දිස්ත්රික් පාර්ලිමේන්තු මන්ත්රී පාලිත රංගෙ බණ්ඩාර මහතා මාධ්‍ය හමුවකදී ඊයේ (21) පැවැසීය.
එවැනි ඉල්ලීමක් සඳහා අත්සන් කරන සංඛ්යාව වැදගත් නැති බව කී රංගෙ බණ්ඩාර මහතා එක් මන්ත්රීවරයෙක් අත්සන් කර හෝ නොකර ඉල්ලීමක් ඉදිරිපත් කළත්, පක්ෂ නායක අග‍්‍රාමාත්‍ය රනිල් වික‍්‍රමසිංහ මහතා අවශ්‍ය පියවර ගනු ඇති බවද සඳන් කළේය.
ඒ අනුව සුදුසු පරිදි මන්ත්රී කණ්ඩායම සහ එක්සත් ජාතික පක්ෂ කෘත්යාධිකාරී මණ්ඩලය එකවර රැස්කිරීමට අගමැතිවරයා කටයුතු කරනු ඇති බවද පාර්ලිමේන්තු මන්ත්රී රංගෙ බණ්ඩාර මහතා කීය.
මෙම මාධ්‍ය හමුවේදී අදහස් දැක්වූ පාර්ලිමේන්තු මන්ත්රී මහාචාර්ය ආශු මාරසිංහ මහතා පැවැසුවේ අදාළ ලිපියට තමා අත්සන් කළ අතර, එලෙස අත්සන් කළේ පක්ෂයේ අවශ්යතාවය මත බවයි. ඇතැම් මාධ්‍ය මේ ලිපිය වෙනත් අවශ්යතාවයක් සඳහා උලුප්පා දක්වන්නට උත්සාහ කරමින් සිටින බව කී මන්ත්රීවරය එවැනි දෑ කළහොත් තම අත්සන ඕනෑම මොහොතක ඉල්ලා අස්කර ගැනීමට කටයුතු කරන බවද පැවැසීය.
තමාගේ නායකයා අග‍්‍රාමාත්‍ය රනිල් වික‍්‍රමසිංහ වන හෙයින් සෑමවිටම පක්ෂ විනයට යටත්ව කටයුතු කරන බවත්, අවශ්‍ය වෙලාවේදී අවශ්‍ය තීරණ ගැනීමට පක්ෂ නායකත්වය ස්වාධීන අයිතිය දී තිබෙන බවත් ආශු මාරසිංහ මහතා කීය.
කොළඹ අරලියගහ මන්දිරයේ පැවැති මාධ්‍ය හමුවකදී එක්සත් ජාතික පක්ෂ මන්ත‍්‍රීවරු මේ අදහස් පළ කළහ.
එක්සත් ජාතික පක්ෂයේ නායක අග‍්‍රාමාත්‍ය රනිල් වික‍්‍රමසිංහ මහතා 2010 වසරේදී හා 2015 වසරේදී නිවැරදි තීරණය ගත් බවත් ඔහු විසින් 2019 වසරේදීත් නිවැරදි තීරණය ගනු ඇති බවත් මුදල් රාජ්‍ය අමාත්‍ය එරාන් වික්රමරත්න මහතා පවසයි.
ඊයේ (20) මාධ්‍ය වෙත අදහස් දක්වමින් රාජ්‍ය අමාත්‍යවරයා මේ බව සඳහන් කළේය.
අමාත්‍ය සජිත් ප්‍රේමදාස මහතා ජනාධිපති අපේක්ෂකයා ලෙස තෝරාගෙන ඇත්තේ පක්ෂයේ නිල මට්ටමෙන් නොවනු බව රාජ්‍ය අමාත්‍යවරයා මෙහිදී පැවසීය.
අමාත්‍ය සජිත් ප්‍රේමදාස මහතා ජනාධිපති අපේක්ෂකයා ලෙස තෝරා ඇත්තතේ මෙරට සිටින අති බහුතර එක්සත් ජාතික පක්ෂියින් බව මුදල් රාජ්‍ය අමාත්‍ය එරාන් වික්රමරත්න මහතා වැඩිදුරටත් සඳහන් කළේය.
2015 දී මහින්ද රාජපක්ෂ මහතා පරාජය වීමට හේතුව තරුණයන්ගේ ඡන්ද ගිලිහී යාම බව පාර්ලිමේන්තු මන්ත්රී දිලුම් අමුණුගම මහතා පවසයි.
ඇඹිලිපිටියේ පැවති උත්සවයකදී සිය අදහස් දක්වමින් ඒ මහතා මේ බව ප්‍රකාශ කළේය.
තරුණයන් අතර මහින්ද රාජපක්ෂ මහතා කෙරේ වෛරයක් ඇති කර ඔහු පරාජයට පත් කිරීමට ප්රතිවාදීන් ක්රියා කළ බවත් එසේ නොමැතිව ඔහු පරාජය වුයේ සුළු ජාතීන්ගේ ඡන්දවලින් නොවන බවත් ඒ මහතා කියා සිටියේය.
මහින්ද රාජපක්ෂ මහතා ජයග්රහණය කළ අවස්ථාවට වඩා පරාජය වු 2015 දී ඔහුට සුළු ජාතීන්ගේ ඡන්ද ලැබී තිබු බව ද ඔහු ප්‍රකාශ කළේය.
එහිදී වැඩිදුරටත් අදහස් දක්වමින් ඒ මහතා ප්‍රකාශ කළේ 2015 දී මහින්ද රාජපක්ෂ මහතාට පරාජය වීමට සිදු වුයේ වැඩ බැරි ටාසන් කෙනෙකුට බවයි.
"2015 ජනවාරි 8 වනදා වැඩකාරයා ඡන්දෙන් පරදිනවා. ඡන්දෙන් තවත් වැඩ කාරයෙකුට පැරදුණානම් හිත හදාගන්න තිබ්බා. පැරදුණේ රටේ වෙන දේවල් පත්තරෙන් දකින, රෑ දහයට නිදියන, සින්දු කියන්න දක්ෂ, නටන්න දක්ෂ, බෙර ගහන්න දක්ෂ, ජනාධිපති ජොබ් එක හැර අනිත් ඕනෙ දේකට දක්ෂ කෙනෙක්ට. පොලිස්පති අස් කරගන්න බෑ, අමාත්යංශයකට ලේකම් කෙනෙක් පත් කරගන්න බෑ, ඡන්දයක් තියාගන්න බෑ, ඇමතිවරයෙක් අස් කර ගන්න බෑ, රනිල් හොරා කෑවා කියලා අවුරුදු 4ක් කියවනවා දඬුවම් දීගන්න බෑ, අර්ජුන් මහේන්ද්රන් ගෙන්න ගන්න බෑ, අපිටද ගෙන්න ගන්න කියන්නේ? මේ වගේ වැඩ බැරි ටාසන් කෙනෙකුටයි වැඩකාරයා 2015 දී පැරදුණේ." යනුවෙන් ඒ මහතා ප්‍රකාශ කළේය.
සිංහල බෞද්ධ තේමාවේ සිටින ජනපති අපේක්ෂක ගෝඨාභය රාජපක්ෂ මහතාට සැබෑ දමිළ ජාතිකයෙකු නම් ඡන්දය ලබා නොදෙන බවට උතුරු පලාත් හටපු ප්‍රධාන අමාත්‍ය සී.වී. විග්නේශ්වරන් මහතා පැවසීය.
හිටපු ප්‍රධාන අමාත්‍යවරයා මේ බවසා සිටියේ යාපනයේ ඒ මහතාගේ නිවසේදී පැවති ප්රවෘති සාකච්ඡාවක් අතරතුරදීය. එහිදී වැඩිදුරටත් අදහස් දැක්වූ සී.වී.විග්නේශවරන් මහතා කියා සිටියේය.
එහිදී ඒ මහතා මෙසේ අදහස් දැක්විය.
"සැබවින්ම දෙමළ ජාතිකයෙකුනම් කිසි දිනක ජනාධිපති අපේක්ෂක ගෝඨාභය රාජපක්ෂ මහතාට ඡන්දය ලබාදෙන්නේ නැහැ මේ වන විටත් ඔහුට නඩු දෙක තුනක් තියනවා ගෝඨාභය මෙරට සිංහල බෞද්ධ රටක් ලෙස සිතන කෙනෙක් එය තහවුරු කරන්න ඔහු ඕනෑම ප්රචණ්ඩක්රියාවක් කරයි එමෙන්ම ඔහු ප්රජාතන්ත්රවාදීව සිතන කෙනෙක් නෙමෙයි එවැනි පුද්ගලයෙකු ජනාධිපති අපේක්ෂක වශයෙන් මහින්ද රාජපක්ෂ මහතා විසින් ඉදිරිපත් කලේ ඇයිද යන්න මමනම් දන්නේ නැහැ. ගෝඨාභය රාජපක්ෂ මහතා ජනාධිපති වුවහොත් දෙමළ වැසියන්ට අඳුරු යුගයක් උදාවෙනවා ඒ නිසා ඔහුට ඡන්දය ලබා දෙන්න කියලා මම කියන්නෙත් නැහැ කිසිම තැනක කියලත් නැහැ ඒ මගේ ස්ථාවරයයි."
(වන්නි රොමේෂ් මධුෂංඛ)
