ජනතාවගේ අනන්‍යතාව තහවුරු කර ගැනීමට බාධාවක් වන සියලුම ආකාරයේ මුහුණු ආවරණ භාවිතය අද (29) සිට තහනම් කෙරේ.
ජනාධිපති මෛත්‍රීපාල සිරිසේන මහතා හදිසි අවස්ථා නියෝග යටතේ මෙම පියවර ගෙන තිබේ.
මෙහිදී යම් අයකුගේ අනන්‍යතාව තහවුරු කිරීමේ මූලික නිර්නායකය වන්නේ පුද්ගලයකුගේ මුහුණ පැහැදිලි ලෙස නිරාවරණය කිරීමේ අවශ්‍යතාව බව ජනාධිපතිවරයා මෙම නියෝගය පැනවීමෙන් වැඩිදුරටත් පැහැදිලි කර ඇත.
ජාතික හා මහජන ආරක්‍ෂාවට තර්ජනයක් විය හැකි නිසා ගෙන ඇති මෙම පියවර මගින් රටේ ජාතික ආරක්‍ෂාව මෙන්ම කිසිදු ජන කොටසක් අපහසුතාවයට පත් නොවන සාමකාමී සහ සහජීවනයෙන් යුත් සමාජයක් ඇති කිරීමද මෙමගින් අපේක්‍ෂා කෙරේ.
