ශී‍්‍ර ලංකා නිදහස් පක්ෂයේ ප‍්‍රාදේශීය නියෝජිතයින්ට පවතින ගැටළු සම්බන්ධයෙන් නුදුරු දිනකදී ජනාධිපති ගෝඨාභය රාජපක්ෂ මහතා හමුවී සාකච්ජා කිරීමට බලාපොරොත්තු වන බව අමාත්‍ය මහින්ද අමරවීර මහතා පවසයි.
ඒ අනුව අගමැතිවරයා සහ ජනාධිපතිවරයා සමඟ ශ්‍රීලනිපයේ ප්‍රශ්න සාකච්ඡා කිරීමට සූදානම් බවත් අගමැතිවරයා පසුගිය සතියේ හමුවී සාකච්ඡා කළ බවත් අමාත්‍යවරයා පැවසීය.
ප්‍රශ්න ගැටලු ඇතුලේ බේරා ගැනීමට සාකච්ඡා සිදු කරන බවත් රජය හෝ ජනාධිපතිවරයා දුර්වල කිරීමට බලාපොරොත්තුවක් නොමැති බවත් අමාත්‍යවරයා පෙන්වා දුන්නේය.
රජයේ සංවර්ධන කි‍්‍රයාවලියට ශී‍්‍ර ලංකා නිදහස් පක්ෂයේ ප‍්‍රාදේශීය නියෝජිතයින් සම්බන්ධ කර නොගැනීම ගැටළුවක් බව ශ්‍රීලනිප මහ ලේකම්, රාජ්‍ය අමාත්‍ය දයාසිරි ජයසේකර පසුගියදා පැවති මාධ්‍ය හමුවකදී කියා පැවසීය.
