මුහුණු ආවරණ පැලඳ නොසිටීම සහ සමාජ දුරස්ථ පවත්වාගෙන නොයාම යන සෞඛ්‍ය උපදෙස් කඩකිරීම සම්බන්ධව ඉකුත් 30 වැනිදා සිට මේදක්වා අත්අඩංගුවටගත් පුද්ගලයින් 70 දෙනාට එරෙහිව නිරෝධායන පනත යටතේ නඩු පවරන බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසයි.
එහිදී ඔවුන් උසාවියෙන් වැරදි කරුවන් බවට පත්වුවහොත් මාස හයක සිරදඬුවම් හෝ රුපියල් දස දහසක දඩයකට හෝ එම දඬුවම් දෙකටම යටත්විය හැකි බවද නියෝජ්‍ය පොලිස්පතිවරයා පවසයි.
