ගෑස් සමාගම් සම්බන්ධයෙන් වෙළෙඳ ඇමැති බන්දුල ගුණවර්ධන මහතාගෙන් දෝස්මුරයක් එල්ල කර තිබෙනවා.

ලීටර් 18 නව ගෑස් සිලින්ඩරයක් හඳුන්වාදීමෙන්, ගෑස් සමාගම් පාරිභෝගිකයා නොමග යැවීමක් කර ඇතැයි අමාත්‍යවරයා පෙන්වා දී තිබෙනවා.

මේ පිළිබද අමාත්‍යවරයා කැබිනට් මණ්ඩලයටද දැනුම් දී තිබෙන බවයි ආරංචි මාර්ග පැවසූවේ.

මේ අතර කිලෝ ග්‍රෑම් 12.5 ගෘහස්ථ එල්පී ගෑස් සිලින්ඩර පාරිභෝගිකයාට මිලදී ගැනීමට වෙළඳ පොළේ නැති බවද ඇමතිවරයා කැබිනට් මණ්ඩලයට දන්වා තිබෙනවා.

පාරිභෝගිකයාට අසාධාරණයක් 

කිලෝ ග්‍රෑම් 12.5 ක ගෘහස්ථ ගෑස් සිලින්ඩරයක් වෙළෙඳ පොළේ අලෙවි කරන මිලට වඩා රුපියල් සීයක් අඩු වෙන් නව ගෑස් සිලින්ඩරයක් වෙළඳපොලේ අලෙවි කිරීමෙන් පාරිභෝගිකයාට අසාධාරණයක් වන බැවින් එහි මිල රුපියල් එක්දහස් එකසිය පනහක් ලෙස නියම කරන්නැයි ඇමතිවරයා කැබිනට් මණ්ඩලයෙන් ඉල්ලා තිබෙනවා.

වෙළඳපොළට අලුතින් හදුන්වා දෙනු ලැබූ ලීටර 18 ගෘහස්ථ ගෑස් ගෑස් සිලින්ඩරයක ඇත්තේ ගෑස් කිලෝ 9.5 ක් බැවින් එහි බර කිලෝ ග්‍රෑම්වලින් සඳහන් කරන්නැයි ද ඇමතිවරයා යෝජනා කර තිබෙනවා.

ඇමතිවරයා මිට අදාළ කැබිනට් සංදේශයක් ද අමාත්‍ය මණ්ඩලයට යොමු කර ඇති අතර, එය සාකච්ඡාවට ගැනීම සතියකින් පමණ කල් ගොස් ඇතැයි වාර්තා වනවා.