විස්සයි 20 ලෝක කුසලාන ක්‍රිකට් තරඟාවලියේ අවසන් මහ තරඟය ශ්‍රී ලංකාව සහ ඉන්දියාව අතර අද(06) බංග්ලාදේශයේ, ඩකාහිදී පැවැත්වීමට නියමිතය.
මෙම තරගය ශ්‍රී ලංකාවේ වේලාවෙන් පස්වරු 6.30ට ආරම්භ වේ. ශ්‍රී ලංකාව විස්සයි 20 ලෝක කුසලාන අවසන් මහා තරගයකට පැමිණි තුන්වන අවස්ථාව මෙය වීම විශේෂත්වයකි.
මීට පෙර වර්ෂ 2009දී පකිස්ථානයට එරෙහිව සහ වර්ෂ 2012දී බටහිර ඉන්දීය කොදෙව් කණ්ඩායමට එරෙහිව ශ්‍රී ලංකාව අවසන් තරගය සඳහා සුදුසුකම් ලබා තිබුණද එම අවස්ථා දෙකේදීම ශ්‍රී ලංකාවට ජයග්‍රහණය කිරීමට නොහැකි විය.
මේ වනවිට ශ්‍රී ලංකාව සහ ඉන්දියාව අතර විස්සයි 20 තරග 5ක් පවත්වා ඇති අතර ඉන් තරග 3ක ජය ඉන්දියාව හිමි කරගෙන තිබේ. ශ්‍රී ලංකාව ඉන් තරග 2ක් ජයගෙන ඇත.
