පළමු මනාපය ජාතික ජන බලවේගයේ අපේක්ෂක අනුර කුමාර දිසානායකට දී දෙවැනි මනාපය ගෝඨාභය රාජපක්ෂ මහතාට එරෙහි වෙනත් සුදුස්සෙකුට දෙන ලෙස ජනතා විමුක්ති පෙරමුණේ දේශපාලන මණ්ඩල සභික කේ.ඩී.ලාල් කාන්ත මහතා ඇඹිලිපිටියේ පැවති ජන හමුවකදී ඉල්ලීමක් කර තිබේ.
අනුර කුමාර දිසානායක මහතාට ජන්දය දෙන කෙනෙකුට ගෝඨාභය රාජපක්ෂ මහතා බලයට පත් වෙතැයි බියක් තිබේ නම් දෙවැනි මනාපය ඔහුට එරෙහිව වෙනත් අපේක්ෂකයෙකුට ලබා දෙන ලෙස ලාල් කාන්ත මහතා එහිදී ඉල්ලීමක් කර තිබේ.
2015 ජනවාරි 08 ජනාධිපතිවරණයේදී ජවිපෙ මෙවැනිම ක්රියාදාමයක යෙදුණු අතර එහිදී මහින්ද රාජපක්ෂ මහතා පරාජය කළ හැකි අපේක්ෂකයෙකුට ජන්දය දෙන ලෙස ඉල්ලීමක් කළ අතර ජනාධිපතිවරණයේදී මෛත්රීපාල සිරිසේන මහතාගේ ජයග්රහණය වෙනුවෙන් සෘජුවම මැදිහත් වී කටයුතු කරන ලදී.