November 22, 2019

නව ප්‍රජාතන්ත්‍රවාදී පෙරමුණේ ජනාධිපති අපේක්ෂක සජිත් ප්‍රේමදාස මහතාගේ ජනාධිපතිවරණ ව්‍යාපාරය සඳහා අරලියගහ මන්දිරයට ලැබුණු මුදල් වලට සිදුවූයේ කුමක්ද යන්න තවමත් අභිරහසක්ව පවතී.

අරලියගහ මන්දිරයේ දී අග්‍රාමාත්‍ය රනිල් වික්‍රමසිංහ මහතාගේ අතට ව්‍යාපාරිකයන් විසින් අතිවිශාල මුදල් ප්‍රමාණයක් ලබා දුන් අතර එම මුදල් සජිත් ප්‍රේමදාස මහතාගේ ජනාධිපතිවරණ ව්‍යාපාරය සඳහා නොලැබුණු හේතුව මත ඔහුගේ ජනපතිවරණ ව්‍යාපාරය මුදල් හිඟකම මත විශාල අසීරුතාවයන්ට මුහුණ දුන් බව වොක්ෂෝල් වීදියේ කාර්යාලයේ සිට සජිත් ප්‍රේමදාස මහතාගේ මැතිවරණ ව්‍යාපාරය මෙහෙයවූ හිටපු එජාප මහ ලේකම් තිස්ස අත්තනායක මහතා ඒෂියන් මිරර් වෙත සඳහන් කළේය.

රනිල් වික්‍රමසිංහ මහතා විසින් මෙම මුදල් වලට සිදු කළේ කුමක්ද යන්න පිළිබඳව එක්සත් ජාතික පෙරමුණ මන්ත්‍රීවරුන් තුළ කුතුහලයක් ඇති වී තිබෙන අතර එහි එක් මන්ත්‍රීවරයෙක් වන නලින් බණ්ඩාර මහතා පසුගියදා මාධ්‍ය හමුව තබමින් මේ පිළිබඳව ප්‍රසිද්ධියේ ම ප්‍රශ්ණ කරන ලදී.


එක්සත් ජාතික පක්ෂ නායක රනිල් වික්‍රමසිංහ මහතා පක්ෂ නායකත්වයෙන් ඉවත් නොවුනහොත් වෙනම පක්ෂයක් බිහි කිරීමට සජිත් ප්‍රේමදාස පාර්ශවය  තීරණය කොට තිබෙන බව ඔහුට පක්ෂපාතී කණ්ඩායම් මෙන්ම වොක්ෂෝල් වීදියේ පිහිටි පක්ෂ කාර්යාලයේ සිට මැතිවරණය මෙහෙයවූ පිරිස් මේ වනවිට ඉඟි පළ කරමින් සිටි.

සජිත් ප්‍රේමදාස මහතා පරාජය කිරීමට රනිල් වික්‍රමසිංහ මහතා ඇතුළු කණ්ඩායමක් කටයුතු කළ බවටද මේ වන විට සජිත් ප්‍රේමදාස පාර්ශවය විසින් ප්‍රසිද්ධියේ චෝදනා එල්ල කරන්නේ එහි එක් පියවරක් ලෙසය.

70 වන වියේ පසු වන රනිල් වික්‍රමසිංහ මහතා 1994 සිට පුරා වසර විසිපහක් පක්ෂයේ නායකත්වය තුළ සිටීම මිසක් පක්ෂය අගාධයට ගියා මිස පක්ෂයේ කිසිදු වර්ධනයක් සිදු නොවූ බවද මෙම මන්ත්‍රීවරුන්ගේ අදහස වේ. මෙම තත්වය මත ඉදිරි මහා මැතිවරණය සඳහා රනිල් වික්‍රමසිංහ මහතාගේ නායකත්වය යටතේ තරග කිරීම තේරුමක් නැති වැඩක් බවද එම මන්ත්‍රීවරුන් පෙන්වා දෙයි. 

මෙම තත්වය මත ඉදිරි දින කිහිපය එක්සත් ජාතික පක්ෂයට ඉතාමත් වැදගත්වන අතර ඉදිරි මහ මැතිවරණය සඳහා ඉතා පැහැදිලි ලෙසම රනිල් වික්‍රමසිංහගේ නායකත්වය යටතේ තරග නොකිරීමට ද මෙම මන්ත්‍රී කණ්ඩායම තීරණය කර තිබේ.

වෙනම තරග කිරීම තුලින් පාර්ලිමේන්තුවේ විපක්ෂ නායක ධූරය ලබා ගැනීම සජිත් ප්‍රේමදාස මහතාට ඉදිරියේදී රාජ්‍ය නායකත්වය සඳහා යන ගමනට වඩාත්ම ප්‍රයෝජනවත් බව ඔහුට පක්ෂපාතී පිරිස පෙන්වා දෙයි.


මෙරට සෑම පුරවැසියෙකුටම එක නීතියක් යටතේ එක හා සමානව සළකන ඒකීය ශ්‍රී ලංකාව ශක්තිමත් කිරීමට තමන් ඇප කැපවන බව, නව ප්‍රජාතන්ත්‍රවාදී පෙරමුණේ ජනාධිපතිධූර අපේක්ෂක සජිත් ප්‍රේමදාස මහතා අවධාරණය කරයි.

සජිත් ප්‍රේමදාස මහතා මෙම අදහස් පළකළේ යාපනය නගරයේ පැවතිජන රැළියට එක්වෙමිණි. 

මෙහිදී වැඩිදුරටත් අදහස් දැක්වූ සජිත් ප්‍රේමදාස මහතා,

“යුද්ධයෙන් පසුව පැවැත්වීමට නොහැකි වූ ජාත්‍යන්තර ආධාරක සමුළු උතුරු හා නැගෙනහිර ප්‍රදේශවලට ගෙන ඒමට මා කටයුතු කරනවා. යාපනයේ සෑම ගම්මානයක්ම සංවර්ධනයකර ජන ජීවිතය නගා සිටුවීමට පියවර ගන්නවා. ජන සමාජයෙන් ජාතිවාදය, ආගම් වාදය අතුගා දමා සැමට සමානව සළකන රටක් අප නිර්මාණය කරනවා.  යාපනය දිස්ත්‍රික්කයේ ප්‍රාදේශීය ලේකම් කොට්ඨාශ15 ක්  තිබෙනවා. එම ප්‍රාදේශීය ලේකම් කොට්ඨාශ 15 තුළ නව තාක්ෂණ විද්‍යාල 15 ක් අප ආරම්භ කරනවා. ඒ තුළින් තරුණ පරපුරට ඩිජිටල් තාක්ෂණ විප්ලවයේ ප්‍රතිලාභ උදා කර දෙනවා. මෙම දිස්ත්‍රික්කයේ ප්‍රාදේශීය ලේකම් කොට්ඨාශ 15 තුළ නව කර්මාන්තපුර 15 ක් ඉදි කර යොවුන් පරපුරේ රැකියා ප්‍රශ්නයට විසදුම් අප ලබා දෙනවා”

කාන්තාවන්ගේ සෞඛ්‍යමය තත්ත්වය ඉහළට ගේන්න සැලසුම් ඉදිරිපත් කරද්දි සිය ප්‍රතිවාදියා හා ඔහුගේ කණ්ඩායම ඊට විරුද්ධ වන්නේ මන්දැයි ජනතාවට පිළිතුරු දිය යුතු බව නව ප්‍රජාතන්ත්‍රවාදී පෙරමුණේ ජනාධිපතිධූර අපේක්ෂක සජිත් ප්‍රේමදාස මහතා ප්‍රකාශ කළේය.

හාරිස්පත්තුවේ පැවැති ජනරැළියක් අමතමින් සජිත් ප්‍රේමදාස මහතා මේ බව සඳහන් කළේය.

එහිදි වැඩිදුරටත් ඔහු සඳහන් කළේ මෙවැන්නකි,

"සුළු අපනයන භෝගවන සාදික්කා, කරාඹුනැටි, ගම්මිරිස් වගාවන්වලින් තමයි මේ ප්‍රදේශයේ බොහෝ දෙනෙක් ජිවිකාව කරගෙන යන්නේ. අපේ රටේ හැම භෝගයකටම අපේ රටේ ආයතන දෙපාර්තමේන්තු තිබුණත් සුළු අපනයන භෝග සඳහා අපේ රටේ ඒකට රාජ්‍ය ආයතනයක් නැහැ. ජනාධිපතිවරණ ජයග්‍රහණයත් සමග ලංකාවේ සුළු අපනයන භෝගවගාකරුවන් වෙනුවෙන් වෙනමම අධිකාරියක් පිහිටුවනවා. ගම්මිරිස්, සාදික්කා, කරාඹු නැටි වැනි භෝගවලට සහතික මිලක් ලබාදීලා මේ කර්මාන්ත කරගෙන යන සියලු  දෙනාගේ ජන ජීවිතය ශක්තිමත් කරනවා. කෘෂිකර්මාන්තයේදි සුළු අපනයන භෝගවගාව ගත්විට වැදගත් පණිවුඩයක් ගොවින්ට දෙන්න තිබෙනවා. අපි අපේ රටේ කෘෂිකර්මාන්තයට ඉතිහාසයේ පළමු වතාවට දැවැන්තම ජාතික වැඩසටහන ආරම්භ කරනවා. එමඟින් රටේ ආහාර නිෂ්පාදනය ඉහළට ගන්නවා. රටේ ආහාර අවශ්‍යතාවය අපේ රටේ ගොවි පරපුරෙන් පමණක් සපයා ගන්නට අපි සැලසුම් සකස් කරනවා. පිටරටින් අපට බවභෝග ආනයනය කරන්න අවශ්‍ය නැහැ. අපේ රට තුළින්ම දේශිය ඉල්ලුමට සැපයුම සකසන්න අපට පුළුවන්. ඉන් නතර නොවි අතිරික්තය අපට  පිටරට යවන්න පුළුවන්. මෙරට ඉතිහාසයේ කිසිම දවසක මහා වගා ව්‍යාපෘතියක් වෙනුවෙන් නොමිලේ පොහොර දීලා නැහැ. නමුත් අපි ඒ යුතුකම ඉටු කරනවා. යුතුකම ඉටු කරන්නේ රටේ ජාතික ආහාර විප්ලවයක් ක්‍රියාත්මක  කරන්නයි. ජනාධිපතිවරයා ලෙස මා වගකිම් භාරගත්තාට පසු මේ තිබෙන්නාවූ සීමාවන් ලිහිල් කරලා පරිසරයට අහිතක් නොවන ලෙස හානියක් නොවන ලෙස කළුගල් කර්මාන්තයත් රතිඥ්ඤා කර්මාන්තයත් නගා සිටුවන්න කටයුතු කරනවා.මගේ අත්දැක්ම් මත ජනතාව සමග නිරන්තරයෙන් ජිවත් වූ පුද්ගයෙකු ලෙස පොඩි මිනිසාගේ දුක කඳුළ වේදනවා මම දන්නවා. පොඩි මිනහගේ දාඩිය සුවඳ  මම දන්නවා. මෙරට සාමාන්‍ය ජනතාව ඉලක්ක කර ගෙන ඉතා වැදගත් ඓතිහාසික ප්‍රතිපත්ති මාලවක් ඉදිරිපත් කරන්න මට හැකි වුණා."

"මගේ ප්‍රතිපත්ති ප්‍රකාශය බලනවිට ජනතාවට තේරෙයි මා ඉදිරිපත් කරන වැඩසටහන මොකක්ද කියලා. රටේ දුප්පත්කම නැති කරන සමෘද්ධි ව්‍යාපාරය තවදුරටත් ශක්තිමත් කොට ඊට වැඩි වැඩියෙන් ප්‍රතිපාදන වෙන් කරනවා. සැමදා අප දුප්පත්කම ගැන කතා කර කර ඉදලා වැඩක් නැහැ. දුප්පත්කමින් මිදෙන්න ශක්තිමත් කෙටිකාලින විසඳුමක් අවශ්‍යයි. කාන්තා ප්‍රඥප්තිය තුළ කාන්තා පරපුරේ ආර්ථික සමාජීය දේශපාලන අයිතිවාසිකම් මෙන්ම කාන්තාවට ලබාදියුතු සැලකිල්ල ශක්තිය සියල්ලක්ම ඇතුළත් වෙලා තියෙනවා. මෙරට දරු පරපුර රැකගන්නේ කාන්තාවනුයි. කාන්තාව අරපිරිමැස්මෙන් ගෘහයේ ආර්ථිකය කළමනාකරණය කරගෙන මෙරට ජිවය ප්‍රාණය බවට පත්ව සිටිනවා. ඇගළුම් කර්මාන්ත ක්ෂේත්‍රයේ රැකියා කරන කාන්තාවන්ගේ නිෂ්පාදන පිටරට යවලා විදේශ විනිමය අතිවිශාල ප්‍රමාණයක් මෙරටට ගේනවා. මැද පෙරදිග හා අනෙක් රටවල විදේශ සේවයට යන සහෝදරියන් මවුවරුන් තමයි අපේ රටට වැඩිම විදේශ විනිමයක් රැගෙන එන්නේ. එම නිසා තමයි මම කාන්තා පරපුර වෙනුවෙන් වෙනම ප්‍රඥප්තියක් ක්‍රියාත්මක කරලා එය ක්‍රියාත්මක කරන්න සුදානම් වෙන්නේ. පසුගිය දවසක මම කාන්තා සෞඛ්‍ය ගැන කතාවක් කිව්වා. ඒ සෞඛ්‍ය ප්‍රශ්නය හේතුවෙන් හරියාකාරව ඒ ආම්පන්න නොමැති නිසා කාන්තාවන්ගේ විශාල පිරිසකට ගැබ්ගෙල පිළිකා හැදෙනවා. වකුගඩු රෝග හැදනවා. ප්‍රජනන පද්ධතියට හානි එල්ල වෙනවා. හිතක් පපුවක් තිබෙන සමාජ සේවකයෙක් ලෙස මේ සංවේදි ප්‍රශ්නයේදි මම තීන්දු කළා අපේ රජය යටතේ නොමිලේ කාන්තාවන්ගේ සනිපාරක්ෂක අවශ්‍යතා නොමිලේ දෙන්න. මොකක්ද අපේ ප්‍රතිවාදියෝ කිව්වේ. මගේ ප්‍රතිවාදියෝ මට මඩ ගහන්න පටන් ගත්තා. ඇයි මට මඩගහන්න පටන් ගත්තේ. මට මඩ ගහන්නේ 51.8% ක් වන කාන්තාවන්ගේ ගැබ්ගෙල පිළිකාවට විසඳුමක් දෙන්න හදපු නිසා. වකුගඩු රෝගයට විසඳුමක් දෙන්න හදපු නිසා.  ප්‍රජනන සෞඛ්‍ය  පද්ධතියට වැළදෙන රෝග වලක්වන්නට මම යෝජනාවක් ඉදිරිපත් කරපු නිසායි. කාන්තා පරපුරේ ආයුෂ වැඩි කරනවාට මගේ ප්‍රතිවාදියා විරුද්ධද කාන්තාවන්ගේ සෞඛ්‍යමය තත්ත්වය ඉහළට ගේන්න හදනකොට ඇයි මගේ ප්‍රතිවාදියාගේ පොහොට්ටු කණ්ඩායම් ඒවට විරුද්ධව කතා කරන්නේ. මේවට උත්තර ඒ අය ජනතාවට දිය යුතුයි" යැයි ඔහු වැඩිදුරටත් පැවසීය.

අයි එස් අයි එස් සංවිධානය විනාශ කිරීම සඳහා ශ්‍රී ලංකාවද ජාත්‍යන්තරය සමඟ එක් විය යුතු බව අග්‍රාමාත්‍ය රනිල් වික්‍රමසිංහ මහතා පැවසීය.

වත්තල නගරයේ පැවති ජන රැළියකට එක් වෙමින් ඒ මහතා මේ බව සඳහන් කළේය.

එහිදී වැඩිදුරටත් අදහස් දැක්වු ඒ මහතා මෙසේ ද පැවසීය.

"අපි හැමෝම පාස්කු ඉරිදා ගැන කණගාටු වෙනවා. එතන අතපසු වීමක් ලැබුණු තොරතුරු ගැන ක්‍රියා නොකිරීම අපි පිළිගන්නවා. ඒකයි පාර්ලිමේන්තු තේරීම් කාරක සභාවක් දාලා අපි කරුණු හෙළි කළේ. එදා මේක සිදු වුණු දවසේ ඇමරිකාවේ ජනාධිපති ට්‍රම්ප් මට කතා කරලා ආධාර ඕනේද ඇහුවා. මම කිව්වා ආධාර වුවමනායි. අපිත් ආධාර දෙන්නම් කියලා. අපිත් කැමකියි අයි එස් අයි එස් නැති කරන සටනට එකතුවෙලා අයි එස් නැති කරන්න කියලා. එදා මම ඒක කිවුවා කියලා මට විරුද්ධව සන්ධානය කෑ ගැහුවා. දැන් දවස් කීපයකට කලින් ඇමරිකානු හමුදාව ගිහිල්ලා අල් බග්ඩාඩිව මරලා දැම්මා. තාම ඒ ගැන මහින්ද රාජපක්ෂ ස්තූතිය ප්‍රකාශ කරලා තියෙනවාද? ඒ ගැන වචනයක් කියන්න බැරිනම් කොහොමද ජාතික ආරක්ෂාව ගැන කතා කරන්නේ? අයි එස් අයි එස් සටන තවදුරට ගෙනියන්න ඕනේ. බග්ඩාඩි මැරුණා කියලා මේ කණ්ඩායම නැති වෙලා නෑ. ඒත් ඒක අවසන් කරන එක ලේසියි. ඒක කරන්න අපිට ජාත්‍යාන්තරය එක්ක එකට වැඩ කරන්න තියෙනවා."

සාහසික දේශපාලන කුමන්ත්‍රණ ක්‍රියාවළියකින් නීත්‍යාණුකූල ආණ්ඩුව උදුරා ගෙන, කාඩ් බෝඩ් අගමැතිවරයෙක් සහ හොර ඇමති මණ්ඩලයක් පත් කර ගත් දින 52 ක ඓතිහාසික ව්‍යවස්ථා කුමන්ත්‍රණය සිදුකර ඔක්තෝබර් 26 දිනට වසරක් සපිරෙන බවනව ප්‍රජාතන්ත්‍රවාදී පෙරමුණේ ජනාධිපතිධූර අපේක්ෂක සජිත් ප්‍රේමදාස මහතා පැවසීය.

සජිත් ප්‍රේමදාස මහතා මෙම අදහස් පළ කළේ කොළොන්න නගරයේ පැවති ජන හමුවට එක්වෙමිණි.

මෙහිදී වැඩිදුරටත් අදහස් දැක්වූ සජිත් ප්‍රේමදාසමහතා මෙසේද පැවසීය. 

“ආණ්ඩුක්‍රම ව්‍යවස්ථාව කෑලි කෑලි වලට ඉරා දමමින්, උත්තරීතරනීතිය කුණු බක්කියට වීසි කරමින් ප්‍රතිවාදීන් එදා කුමන්ත්‍රණයක් මගින් බලය ලබා ගැනීමට කටයුතු කළ යුගය මේ රටේ ජනතාවට අමතක කරන්න පුළුවන්ද ? කතානායකතුමාගේ එඩිතර නායකත්වයෙන්, ස්වාධීන අධිකරණක්‍රමවේදයක් තුළින් ව්‍යවස්ථා විරෝධී කුමන්ත්‍රණය පරාජය කළා. ඔක්තොම්බර් 26 කුමන්ත්‍රණයේ කප්පිත්තන් රටේ වගකීම භාර ගැනීමට අද ඉදිරිපත් වී තිබෙනවා. ප්‍රතිවාදීන් විපක්ෂයේ සිටියදී රටේ උත්තරීතර ආණ්ඩුක්‍රම ව්‍යවස්ථාව අමු අමුවේ විනාශ කරමින් මැරබලය, ජඩ බලය ක්‍රියාත්මක කරන්න පුළුවන් නම් වැරදීමකින් හෝ ඔවුන් බලයට පැමිණියහොත්මොන තරම් නීති විරෝධී ක්‍රියා සිදු කරයිද. මැර බලය, ජඩ බලය, මිනීමරු සුදු වෑන් සංස්කෘතිය ඔවුන් නැවත ක්‍රියාත්මක කරනවා. පොදු ජනතාවගේ මානව අයිතීන්, ආර්ථිකඅයිතීන්, අද පවතින මාධ්‍ය නිදහස, කතා කිරීමේ නිදහස, විරුද්ධ මත දැරීමේ, රැස්වීම්පැවැත්වීමේ  නිදහස රටේ ජනතාවට නැති වෙනවා. රටේ උත්තරීතර නීතිය, ආණ්ඩුක්‍රම ව්‍යවස්ථාව තම පණටත් වැඩිය ආරක්ෂා කරමින් එවැනි අමිහිරි අත්දැකීම් නැවත රට තුළ ඇති නොවන්නට තමන් කටයුතු කරනවා."

"සජිත් ආවත් ගොඨා ආවත් වත්මන් යුද හමුදාපති ඉවත්කළ යුතු යැයි ප්‍රකාශයක් පුවත්පත් වල අද පළවෙලා තියෙනවා. අපේ රටේ හමුදාපති ඉවත්කරන්න කිසිවෙකුට බැහැ. මම එම ප්‍රකාශ වලට සවන් දෙන්නේත් නැහැ. පිටරටවල් කියන කියනපදයට නටන්න මේ සජිත් ප්‍රේමදාස සූදානම් නැහැ. එම ප්‍රකාශය නිකුත් කර ඇති රට වලට මටකියන්න තියෙන්නේ, ඔබ ඔබේ වැඩක් බලා ගන්න, මගේ රට මමබලාගන්නම් කියලා. විවිධ දේශපාලන ඩීල්, දූෂණ අක්‍රමිකතා සිදු කරපසුගිය රජය ඇඹිළිපිටියේ කඩදාසි කර්මාන්ත ශාලාව විකුණා දැම්මා. එම කර්මාන්ත ශාලාවආරම්භ කිරීමේ වගකීම මම භාර අරගෙන නව වැඩපිළිවෙලක් යටතේ මෙම ප්‍රදේශයේ ජනතාවට නැවතරැකියා අවස්ථා ඇති කරනවා. මෙරට සියලුම කාන්තාවන් ලබා ගෙන ඇති ක්ෂුද්‍ර මූල්‍ය ණයසම්පූර්ණයෙන් කපා හරිනවා. කොලොන්න පුරවරයේ ඇරව්පෝරුව වැව ඉදිකිරීමට කටයුතු කරජනතාවගේ ජල ප්‍රශ්නය විසදනවා”යැයිද ඒ මහතා වැඩිදුරටත් පැවසිය.

 

තමන් ජනපතිධුරයට පත්වූ විට  පාර්ලිමේන්තු මන්ත්‍රීවරුන්ට ලබාදෙන බදු රහිත වාහන බලපත් දීමනාව අහෝසි කරන බව නව ප්‍රජාතන්ත්‍රවාදී පෙරමුණේ ජනාධිපති අපේක්ෂක සජිත් ප්‍රේමදාස මහතා පැවැසීය.

දික්වැල්ලේ පැවැති ජන රැළියක් අමතමින් ඔහු මේ බව පැවැසීය. 

මේ හරහා ඉතිරිවන මුදල්වලින් ජනතාවට සිදුකිරීමට තිබෙන උපරිම සහන ලබාදීමට කටයුතු කරන බවත් ඔහු පැවැසීය.

රටේ සියලු සම්පත් පොදු ජනතාවට ලබා දෙන අලුත්ම දේශපාලන ශිෂ්ඨාචාරයක් නිර්මාණය කිරීමට කටයුතු කරන බව නව ප්‍රජාතන්ත්‍රවාදී පෙරමුණේ ජනාධිපතිධූර අපේක්ෂක සජිත් ප්‍රේමදාස මහතා අවධාරණය කරයි. 

සජිත් ප්‍රේමදාස මහතා මෙම අදහස් පළ කළේ මාතර දිස්ත්‍රික්කයේ, දෙවිනුවර, දික්වැල්ල මහජන ක්‍රීඩාංගණයේ පැවති ජන හමුවට එක්වෙමිණි. 

මේ අතර දශක ගණනාවක සිටි මෙරට දේශපාලනඥයින් සිදු කළ ඓතිහාසික මංකොල්ලය සම්පූර්ණයෙන්ම නතර කරන බව ජනාධිපතිධූර අපේක්ෂක සජිත් ප්‍රේමදාස මහතා සඳහන් කළේය. 

මෙහිදී වැඩිදුරටත් අදහස් දැක්වූ සජිත් ප්‍රේමදාස මහතා මෙසේද පැවසීය. 

“කවුරුන් හෝ දේශපාලනයට එන්නේ රැකියාවක් කිරීමට හෝ කෝටිපතියන් වන්නට නම් එය වැරදි ක්‍රියාවක්. මින් ඉදිරියට තම රජය තුළ කොන්ත්‍රාත් ගනුදෙනු, මහජන සම්පත් මංකොල්ලකෑම්, ගසා කෑම, සොරා කෑමට කිසිසේත්ම ඉඩ තබන්නේ නැහැ. දශක ගණනාවක සිට දේශපාලනඥයින් ජාතික සම්පත්, මහජන දේපල විනාශ කළ යුගයට තිත තබා රටේ සියලු ප්‍රතිලාභ සෑම ජන කොටසකටම ලබා දෙන සංවර්ධනයේ පාරාදීසය බවට අපේ මාතෘ භූමිය පත් කරනවා” යනුවෙන්ද පැවසීය. 

කාන්තා පරපුරට, යෞවන පරපුරට සේම නුපන් දරුවාගේ සිට වැඩිහිටි පරපුර දක්වා දැවැන්ත ආර්ථික සංවර්ධන ව්‍යායාමයක් දියත් කරන්නට අපි බලාපොරොත්තු වෙනවා යැයි නව ප්‍රජාතන්ත්‍රවාදි පෙරමුණේ ජනාධිපතිධූර අපේක්ෂක සජිත් ප්‍රේමදාස මහතා ප්‍රකාශ කළේය.

පුත්තලම නගරයේ පැවැති ජන රැළියකට එක්වෙමින් ඔහු මේ බව අවධාරණය කළේය.

එහිදි වැඩිදුරටත් අදහස් දැක්වු සජිත් ප්‍රේමදාස මහතා,

“පුත්තලම ජනතාවට මම දැඩි ලෙස ආදරය කරනවා. දැවැන්ත හිතෛෂිභාවයක් පුත්තලම දිස්ත්‍රික් ජනතාව සමග මට තියෙනවා. මේ දිස්ත්‍රික්කය ජයග්‍රහණය කරන්න වැඩිම ඡන්ද ප්‍රමාණයක් ලබා දෙන්නේ පුත්තලම ආසනයෙනුයි. එදා පුත්තලම දිනවලා දුන්න නිසා තමයි මා අදත් ඇමතිවරයෙකු ලෙස සිටින්නේ. ඒ නිසා පුත්තලම ජනතාව මුහුණ දෙන කුණු ප්‍රශ්නයේදි එක එක කොමිටි දාලා එක එක්කෙනාට බෝලේ පාස් කරන්නේ නැතුව, පුත්තලම ජනතාව කුණු ගොඩට තල්ලු කරන්නේ නැතුව, කසල ප්‍රශ්නය මගේ අතට අරන් මම විසඳනවා. ඒ යුතුකම මම ඉටු කරනවා. දැනට මාසයකට පෙර කුණු ප්‍රශ්නය ගැන මා සාකච්ඡා කළා. ප්‍රදේශයේ ජනතාවගේ අදහසක් තියෙනවා, අපද්‍රව්‍ය නිර්මාණය වන කුණු ගේන්නේ මේ ප්‍රදේශයට කියලා. සිමෙන්ති කර්මාන්ත ශාලාවක් ගෙනාවා. ගල් අගුරු බලාගාරයක් ගෙනාවා. 16 දා සජිත් ප්‍රේමදාසට බලය ලබා දුන්නම තුන්වන පන්තියේ සැලකිල්ල පැත්තකට විසි කරලා සුපිරි පන්තියේ සැලකිල්ල පුත්තලම ජනතාවට ලබා දෙනවා. කුණු ප්‍රශ්නය  මගේ අතට අරන් මම විසඳනවා. ඒ ගැන සැකයක් තියාගන්න එපා. සංචාරක කර්මාන්තය නිසා තමයි මේ ප්‍රදේශයේ ආර්ථිකය ශක්තිමත් වෙලා තියෙන්නේ. ඒ නිසා සංචාරක ක්ෂේත්‍රය ගොඩනගන්න දියුණු කරන්න මම අනිවාර්යයෙන්ම කටයුතු කරනවා. ජනාධිපති කාර්ය සාධක බලකායක් හදලා ඒ හරහා සංචාරක කර්මාන්තයේ ගැටලුවලට විසඳුම් ලබාදීලා දිස්ත්‍රික්කයේ සංචාරක ක්ෂේත්‍රයේ සුරපුරයක් කරන්න 16 දායින් පස්සේ පියවර ගන්නවා. ඕනම දෙයක් තහනම් කරන්න කලින් ජනතාව ජිවත් වෙන්නේ කොහොමද කියලා සොයා බලනවා. එපමණක් නොව මිනිස්සුන්ගේ ජිවිකාවට විසඳුමක් දිලා තමයි අනෙක් කටයුතු කරන්නේ. ආණ්ඩුවේ ප්‍රධාන වගකිම රටේ ජනතාව ජිවත් කරවිමයි. ඒ වගකිම රණසිංහ ප්‍රේමදාසගේ පුතා සජිත් ප්‍රේමදාස භාර ගන්නවා."

ඒ වගේම මේ ප්‍රදේශයේ කෘෂි කර්මාන්තය ක්‍රියාත්මක වෙනවා. විවිධ වගාවන් ක්‍රියාත්මක වෙනවා. මේ රටේ කෘෂි කර්මාන්තයට වෙනත් කිසිම ආණ්ඩුවක් නොදුන් හයියක් අපි ලබා දෙනවා. පොල් වගාව රබර් වගාව තේ වගාව සුළු අපනයන බෝග වගාව වී වගාව එළවළු පළතුරු වගාව හේන් ගොවිතැන කරන හැම ගොවියාටම නොමිලේ පොහොර ලබා දෙනවා. රටේ ජාතික ආරක්ෂාව අපි ශක්තිමත් කරනවා. රටේ ජාතික ආරක්ෂාව යුද්ධය දිනපු වැඩකාරයට අපි භාර දෙනවා. ෆිල්ඩ් මාෂල් සරත් ෆොන්සේකාගේ නායකත්වයෙනුයි වසර තිහක කුරිරු යුද්ධය අපි ජයග්‍රහණය කළේ. කොටි ත්‍රස්තවාදීන්  විනාශ කරලා අපි රට ත්‍රස්තවාදයෙන් මුදවා ගත්තා. ජාතික ආරක්ෂාව තහවුරු කිරිම සඳහා ත්‍රිවිද හමුදාව සන්නද්ධ කරනවා. නවීන  යුද උපකරණ ලබා දෙනවා. අලුත් පුහුණුව ලබා දෙනවා. බුද්ධි අංශයත් ආරක්ෂක අංශයත් නිර්දේශපාලනීකරණය කරලා දේශපාලන බලපැම්වලින් තොරව ජාතික ආරක්ෂාව තහවුරු කරමින් රටේ නීතිය හා සාමය ස්ථාපිත කරන්න අපි කටයුතු කරනවා. මේ රටේ ජාතික ආරක්ෂාව ශක්තිමත් කිරීම සඳහා ගත හැකි හැම පියවරක්ම ගන්නවා. දක්ෂයන්ට තනතුරු වගකිම් බාර දිලා හැකියාව තියෙන අයට උපරිමයෙන්ම  ශක්තිය දීලා දේශපාලනීකරණයකින් තොරව ජාතික ආරක්ෂක යාන්ත්‍රණය ශක්තිමත් කරන්න අපි කටයුතු කරනවා. ජාතික ආරක්ෂාව තහවුරු කරන්න නම් ලෝකයේ සෙසු රටවල් වල බුද්ධි අංශ සමග සම්බන්ධතා පවත්වා ගෙන යන්න ඕනේ. හොඳ ජාත්‍යන්තර සඳබතාවයක් හැම රටක් සමගම පවත්වාගෙන යන්නට ඕනේ. ජාතීන් අතර සංහිඳියාව ජාතින් අතර එකමුතුභාවය ඇති කළ යුතුයි. කිසිම ජාතියක් කිසිම ආගමක් ජනසමාජයෙන් වෙන් කරන්නේ නැතුව බුද්ධාගමට මුල්තැන ලබාදෙමින් අනෙකුත් ජාතින් ආගම් ආරක්ෂා කරමින් මුළු රටම එක්සේසත් කරන නව යුගයක් අපි ස්ථාපිත කරනවා” යැයි ඔහු වැඩිදුරටත් මෙහිදි සඳහන් කළේය.

තමා ජනාධිපති ධුරයට පත්වීමෙන් පසු වතු කම්කරුවන්ගේ දෛනික දීමනාව රුපියල් 1500ක් දක්වා වැඩි කරන බව නව ප්‍රජාතන්ත්‍රවාදී පෙරමුණේ ජනාධිපති ධුර අපේක්ෂක සජිත් ප්‍රේමදාස මහතා පවසයි.

හැටන් ප්‍රදේශයේ පැවති ජන රැලියකට එක්වෙමින් ඔහු මේ බව සඳහන් කළේය.

"එක්ව ඉදිරියට "යන තේමාව යටතේ නව ප්‍රජාතන්ත්‍රවාදී පෙරමුණේ ජනාධිපතිධුර අපේක්ෂක සජිත් ප්‍රේමදාස මහතා සහභාගි වන ජනරැලි මාලවේ තවත් රැලියක් ගෙලිඔය නගරයේදී පැවැත්විය.

ශ්‍රී ලංකා මුස්ලිම් කොංග්‍රසයේ නායක රවුෆ් හකීම් මහතා මෙහිදී අදහස් දක්වමින් පවසා සිටියේ, ඡන්ද ප්‍රකාශනය එලඹෙන 1 වන දින ඉදිරිපත් කරන බවයි.

මේ වන විටම රහසි ගත ගිවිසුම් ඇති බවට පවසන බවත් කියා සිටි ඔහු, තොණ්ඩමන් මහතා සමඟ සිදුකරන ගිවිසුම් පිළිබඳ කිසිදු දෙයක් විවෘතව නොපවසන බවද කියා සිටියේය.

පිල්ලයාන්ලා සමඟත් ගිවිසුම් ඇති බව පවසා සිටි හකීම් මහතා, තම අපේක්ෂකයා කිසිවෙකුට යටත්ව මෙම මැතිවරණය නොකරන බව ඉතා පැහැදිලිව පැවසු ඔහුට එම නිදහස ලබා දුන් බවත් සඳහන් කළේය.

මෙහිදී අදහස් දැක්වු සජිත් ප්‍රේමදාස මහතා කියා සිටියේ, එක් එක් කර්මාන්ත එම ප්‍රදේශයේ ඇති බවත් ඒවා සිදු කිරීමට අද වන විට බාධා නිර්මාණය වී ඇති බවත්ය.

තමා ජනාධිපතිවරයා වශයෙන් කටයුතු කරන විට එක පෑන් පහරින් සියලු බාධා ඉවත් කිරීමට පොරොන්දු වන බවත් කියා සිටි ප්‍රේමදාස මහතා, තමා මේ රටේ ඇති වු සමාජ, දේශපාලන හා සමාජ විප්ලවය ඇති කිරීමට බලාපොරොත්තු වන බවත් පැවසීය.

අනතුරුව සජිත් ප්‍රේමදාස මහතා සහභාගි වූයේ හැටන් නගරයේ සංවිධාන කළ ජනරැලියටයි.

Page 1 of 19