"මගේ තියන්නේ දුප්පත් මැතිවරණ ව්‍යාපාරයක්. පොලිතීන් සැරසිලි මගේ නෑ.". එසේම ජනපතිවරයාට කටවුට් ගැසීමට ආණ්ඩුවේ මුදල් යොදවා ගන්නා බවත් මෛත්‍රීපාල සිරිසේන මහතා පැවැසීය.
පොදු අපේක්ෂක මෛත්‍රීපාල සිරිසේන මහතා සිය ජනපතිවරණ ප්‍රචාරණය පිළිබඳ අදහස් දක්වමින් අද මෙසේ සඳහන් කළේය.
තම සාමාජිකයන්, ආධාරකරුවන් හා පාක්ෂිකයන් ලබාදුන් ආධාරවලින් එකතුවන මුදල්වලින් මැතිවරණ ව්‍යාපාරය ක්‍රියාත්මක කරන බවත්, පොදු විපක්ෂයේ අනෙකුත් පක්ෂ ඒ ඒ පක්ෂයන් හි පක්ෂ අරමුදල් මැතිවරණ ව්‍යාපාරය සඳහා යොදා ගන්නා බවත් පොදු අපෙක්ෂක මෛත්‍රීපාල සිරිසේන මහතා පෙන්වා දුනි.
මාධ්‍ය ප්‍රධානීන් හා කෝට්ටේ පැවැති හමුවකට එක්වෙමින් හෙතෙම මෙම අදහස් ප්‍රකාශ කළේය.
මේ අතර දෙමළ ජාතික සංධානය හා ගිවිසුමක් නොමැති බවත්, එවැනි ගිවිසුමක් අත්සන් නොකළ බවත් සඳහන් කළේය.
