ප්රංශය තුළ සිදු වූ ඉස්ලාම් ජිහාඩ් ත්රස්තවාදී ක්රියාවන් හමුවේ ප්රංශ ජනපති එමානුවෙල් මැක්රොන් විසින් දැඩි ඉස්ලාම් විරෝධී ප්රකාශයන් සහ ක්රියාවන් කරමින් සිටියි.
පසුගිය දිනක ප්රංශයේ පාසලක් තුළ ඉස්ලාම් දෙවියන් වහන්සේගේ යැයි සඳහන් වන සිතුවම් කිහිපයක් ප්රදර්ශනය කළ ගුරුවරයෙකු හිස සිඳ මරා දැමීමෙන් පසුව ඊයේ (29) දිනයේ දී කිතුණු දේවස්ථානයක් තුළදී තවත් පුද්ගලයෙකු හිස සිඳ මරා පිහි ඇනුම් ප්රහාරයන් එල්ල කර පුද්ගලයින් තිදෙනකු මරා දමා තිබුණි.
මේ වන විට ප්රංශ ජනාධිපතිවරයා විසින් එරට හමුදා බලය යොදා ගැනීම සඳහා එරට උපරිම ආරක්ෂක විධිවිධාන ක්රියාත්මක කර ඇතැයිද වාර්තා වේ.
ජනාධිපතිවරයාගේ සමහර ප්රකාශයන් ලෝකයේ බොහෝ ඉස්ලාමීය රටවල විරෝධයටද පත්ව තිබේ.
එවන් අවස්ථාවක ලෝකයේ බිහි වූ විශිෂ්ඨ මාෂල් ආර්ට් ශූරයෙකු වන රුසියානු ජාතික කබිබ් නූර්මගොමෙඩොව් විසින් ප්රංශ ජනාධිපතිවරයා දැඩි වාග් ප්රහාරයක් එල්ල කොට තිබේ.
ඔහු සිය ඉන්ස්ටග්රෑම් සමාජජාල ගිනුමේ සපත්තු පාරක සලකුණක් ඇති ප්රංශ ජනාධිපතිවරයාගේ රුව සහිත ඡායාරූපයක් පළ කරමින් පවසා තිබුණේ කතා කිරීමේ නිදහස යනුවෙන් පවසමින් ප්රංශ ජනාධිපතිවරයා විසින් මුස්ලිම් ඇදැහිලිවන්තයන් බිලියන එකහාමාරකට වඩා වැඩි පිරිසකගේ සිත් රිදවමින් සිටින බවයි.
එමෙන්ම මාෂල් ආර්ට් ශූරයා විසින් වැඩි දුරටත් සඳහන් කර තිබුණේ මෙම ක්රියාවන්ට මෙම ජීවිතය තුළත්, එළැඹෙන ජීවිතය තුළත් ලැජ්ජා විඳීමට සිදුවනු ඇති බවටයි.
මුස්ලිම්වරු, තම මව්වරුන්, පියවරුන්, දරුවන්, භාර්යාවන් සහ ඔවුන්ගේ හදවතට සමීප අනෙකුත් සියලු දෙනාට වඩා අපගේ මුහම්මද් නබි තුමන්ට ආදරය කරන බවද කබිබ් වැඩිදුරටත් ඔහුගේ පණිවිඩය තුළ සටහන් කර තිබුණි.
ප්රංශ ජනාධිපතිවරයා හෝ ඔහුගේ ප්රකාශකයන් කිසිවෙක් මේ සම්බන්ධයෙන් කිසිවකුත් ප්රකාශයට පත් කර නොමැත.
කබිබ් විසින් පළ කර තිබූ සටහන,