කෝප් කමිටුව මාධ්‍ය වෙත ආවරණය කරන්නේද නැත්ද පිළිබඳව තීරණයක් මේ දක්වා ගෙන නොමැති බවත් ඒ පිළිබඳව අවසන් තීරණය ලබන ඔක්තෝබර් මස 06 දා ගැනීමට නියමිත බවත් කොප් කමිටු සභාපති මහාචාර්ය චරිත හේරත් මහතා පවසයි.
සිය ට්විටර් ගිණුමට අදහස් දක්වමින් ඔහු පවසන්නේ පාර්ලිමේන්තුවේ සමස්ත මාධ්‍ය භාවිතය පිළිබඳව සළකා බැලීමට පාර්ලිමේන්තු කාරක සභාව තීරණය කර ඇති බවත් එය පක්ෂ නායකයන් පමණක් සහභාගීවන රැස්වීමක් බවත් චරිත හේරත් මහතා සඳහන් කළේය.
එවැනි තීරණයක් COPE කමිටුව ගෙන නොමැත. House Business Committee විසින් පාර්ලිමේන්තුවේ සමස්ත මාධ්‍ය භාවිතය පිලිබදව යලි සලකා බලන්නට එකග වී ඇත. එම කොමිටිය පක්ෂ නායකයින් සහභාගිවන එකකි. එහි තීරණය ඉදිරියේදී ඉදිරිපත් වීමට නියමිතය. COPE කමිටුව ඔක් 6 මේ පිලිබද අවසන් තීරණය ගැනීමට එකගවී ඇත. https://t.co/ItSx0c5O8B
— Charitha Herath, PhD (@charith9) September 27, 2020
