එළබෙන මහා මැතිවරණයෙන් පසු තමන්ව ස්වාධින මැතිවරණ කොමිසමේ කොමසාරිස් ධූරයෙන් ඉවත් කරන බව ශ්‍රී ලංකා නිදහස් පක්ෂයේ මහ ලේකම් දයාසිරි ජයසේකර මහතා ප්‍රකාශ කර තිබෙන බව එම කොමිසමේ කොමසාරිස්වරයෙකු වන මහාචාර්ය රත්නජීවන් හූල් ඉංග්‍රීසි පුවත්පතකට ලියන ලද ලිපියකින් කරුණු අනාවරණය කර තිබේ.
ඊට හේතු වී තිබෙන්නේ යාපනය දිස්ත්‍රික්කයේ පවත්වා ගෙන ගිය ශ්‍රී ලංකා නිදහස් පක්ෂ කාර්යාලය මැතිවරණ රෙගුලාසි වලට අනුව වසා දැමීමට කටයුතු කිරීම මෙන්ම යාපනය දිස්ත්‍රික්කය නියෝජනය කරන ශ්‍රී ලංකා නිදහස් පක්ෂ ජාතික ලැයිස්තු මන්ත්‍රීවරයෙකු වූ අන්ගජන් රාමනාදන් මහතාට රජයෙන් ලබා දී තිබෙන මෝටර් රථය මැතිවරණ සමය තුළ භාවිතා කිරීම වැලැක්වීම යන කරුණුය.
හූල් මහතා මේ සම්බන්ධයෙන් ප්‍රකාශ කර තිබෙන්නේ තමන් මේ කිසි දෙයකට සම්බන්ධ නැති බවය.
